Informatiesessie Limburgse Taol en de erkinning Deil II of Deil III Europees Handves

Op goonsdag 23 oktober 2024 organiseert ’t Hoes veur ’t Limburgs ’n bijeinkoms euver de mieweerd en beleidsmaotege meugelekhede vaan de erkinning deil II of III vaan ’t Europees Handves veur regionaol taole.

Spreker zien oonder mie René de Groot (Raod vaan Europa) en Bastiaan van der Velde (Open Universiteit). Esther van Loo (Levende Talen Limburgs) en Yuri Michielsen (Limbörgse Academie) prizzentere ‘ne praktijkcasus euver de kinderopvaank en ‘t Limburgs.

Aofsletend is daonao ’n paneldiscussie mèt Leonie Cornips (Universiteit Maastricht), Ruben Severina (Open Universiteit), Lysbeth Jongbloed (Provinsje Fryslân), Bas Vissers (Veldeke Limburg) en Roeland van Hout (Raod veur ’t Limburgs).

Dees sessie beejt ‘nen unieke kans um vaan gedachte te wissele en inziechte te kriege vaan deskundege op dit gebeed. Aonmelle kint via dit inschrijfformulier t/m donderdag 17 oktober.