Cursus Venloos laeze en schrieve 2024
Veldeke Krink Venlo organiseert vanaaf donderdaag 10 oktober 2024 weer ‘ne cursus ‘Venloos laeze en schrieve’ beej de Bibliotheek Venlo aan de Begienegank.
De (7) cursusdata zien: donderdaag 10 oktober, 24 oktober, 31 oktober, 7 november, 14 november, 21 november en 28 november. Aanvang van de lesse is um 19:30 oor wies (plusminus) 21.00 oor Docent is Bas Vissers.
Aafsloetend vindt nog ‘n gezellige certificaatoetreiking plaats örges in januari 2025.
In deze cursus kómme diverse aspekte aan bod die heejmei te make hebbe: geej liert o.a.
- waat ’t verschil is tösse ein dialek en ’n taal
- wie ‘n taal óntsteit
- waorum weej dialek mótte blieve spraeke
- wie weej dit ’t beste kinne behalde
- wie tale functionere
- waorum weej sóms taalstructure hebbe die stale op ’t Duits en sóms op ’t Nederlands
- waorum weej ‘nao ’t Zuje’ gaon en waorum ’t neet ‘Waor woeëns dich?’ is
- waorum weej sóms trema’s gebroeke en weej nog maar zelde accente hantere
- waat ’t verschil is tösse hoes, hoe~s en hoeës, of tösse liene, lie~ne en lieëne
- wie se det oetdröks in schriefwies
- waat ‘ne stoeëttoeën is
- waat überhaupt ‘n toeëntaal is….
En dit is nog maar ‘ne willekeurige greep oet d’n inhald van de cursus.
Weej wieze d’r waal op det ’t heej ‘ne cursus laeze en schrieve betref: ’t is aan te bevaele det geej al gebroeker ziet van ’t dialek. ‘ne Cursus Venloos spraeke veur neet-dialekspraekers is in óntwikkeling. Hald heejveur de lokale berichgaeving in de gater.
Koste:
- € 50,- veur leje van Dialekvereiniging Veldeke Venlo
- € 75,- veur neet-leje
Heejbeej zit inbegrepe ’t cursusbook en ‘n tas kóffie of thee tiejes de aovende. Waat geej waal zelf nuuedig heb, det is ’t nieje (witte) Venloos Waordebook, volop te koup beej de diverse bookhandels in Venlo en Blierick. Dit waordebook is gebaseerd op de Spelling-2003 veur de Limburgse dialekte en det is ouk de leidraod gewaes veur de cursus.