Jelske prizzenteert theaterbeleving: Gaon Maar

Gaon Maar is ’n theaterbeleving gecreëerd door Jelske, boe-in ze diech mètnump in häör persoenlek verhaol euver ’t wel en neet dörve bewandelen vaan d’n eige paad. Zelf gesjreve leedsjes, gediechte en verhaole in ’t Venloos dialek vörme d’n aonzèt tot herkinning, bezinning en de weeg trök nao d’n authentieke zelf.

De krach vaan Gaon Maar is ’t deile en ziechbaar make vaan de kontraste dieste tegekumps in ‘t leve. Want gelök besteit neet zoonder verdreet en dörve druime besteit neet zoonder angs. Jelske wèt dit op ’n puur, zachte en minseleke meneer oet te drage en raak dit thema in ziene kern. Laat geer uuch mètnumme door Gaon Maar?

Neve de theaterveurstèlling beejt Gaon Maar e randprogram, Dit beejt de kans tot verdeping in ’t thema en is ’n extra stimulans um de beleving nog completer en persoenleker te make.

Rezjie: Eva Custers
Dramaturgie: Saartje Hoogland
Leech en geluid: Niels Koster en Huub Holtman
Zaankcoach: Babs van Bree
Randprogram: Rachelle Janssen

Gaon Maar is ’n coproductie mèt Theater Maaspoort en weurt mèt meugelek gemaak door de Gemeinte Venlo, Venlo Kleurt, Stiechting Burgerlijke Godshuizen en Veldeke Limburg.

De veurstèlling vint plaots op donderdag 29 augustus 2024 in de Frans Boermanszaol vaan  theater De Maaspoort in Venlo en begint um 20.15 oor. Keertsjes koste € 17,50 en kinne bestèld weure op de website vaan ‘t theater. Klik daoveur hei.