John Tana geit ‘workshows’ geve op sjaole

Begin 2024 lanceert John Tana zien ´Tana’s Ateliers de Musique´, ´n oonderwiesprojek in de vörm vaan ´ne muzikaole roadtrip door Limburg, boebij John Tana en ziene producer Gilbert Petard hun leefde veur ´t Limburgs dialek en meziek euverbringe op lierlinge vaan ´t basis-  en veurtgezèt oonderwies. Heer deit dat mèt steun vaan Veldeke Limburg en de Gemeinte Mestreech.

Lierlinge make zelf songtekste in dialek

Tijdens zoe’ne workshow goon lierlinge – oonder begeleiding vaan John Tana en Gilbert Petard – zelf aon de slaag mèt ’t sjrieve ‘vaan eige songtekste op e bekind chanson in ’t Limburgs dialek. Zjus wie Tana en Petard zelf doen, weure de lierlinge oetgenudeg um ziechzelf bij ’t sjriefproces gein barrières op te lègke. Alles maag. Es mer leuke, gekke, sjoen, inspirerende of op eineg ander meneer pakkende tekste droet koume.

Sjaole kinne ziech aonmelle

De ierste Ateliers zalle in ’t veurjaor vaan 2024 plaotsvinde in Mestreech. Meh oeteindelek wèlle Tana en Petard hun initiatief gere euver ganbs Limburg oetbreie. Sjaole die mèt wèlle doen kinne e mailke sjikke nao ateliers@johntana.nl. De ierste Mestreechse sjaole die ziech aonmelle kriege vaan de gemeinte Mestreech gratis entreekeertsjes veur John Tana’s theaterveurstèlling in ’t Theater aon ’t Vriethof in juni 2024. Zörg dus tot geer vlot debij zeet!