Lèste kans um mèt te doen Limburgse Taolquiz
Dit weekend, op zoondag 29 september, slut de veurrunde vaan de Limburgse taolquiz. Dus es geer nog mèt wèlt doen daan höb geer nog mer e paar daog te goon. Es geer mèt daot maak geer kans um in de finale te koume op 8 oktober in Sittard. Meh ouch es geer neet nao de finale wèlt, is ‘t toch leuk um mèt te doen. En geer test in eine weeg eure kinnes vaan de Limburgse taol. Doezende Limburgers gónge uuch al veur. Laot uuch neet kinne en völ de vraogelies in. Es geer medein wèlt beginne kint geer hei klikke um rechstreeks nao de vraoge te goon.
Meh es geer iers nog get inspiratie nudeg höb, daan kiek ins nao de volgende fèlmkes boe-in bekinde Limburgers uuch oprope um toch veural mèt te doen.
Op de ierste plaots is dao Beppie, die beweert tot ze zelf neet zoe väöl verstand devaan heet meh laot uuch niks wies make: luuster mer ins wat veur Limburgse wäörd ze zoe oet häöre mouw sjöd. Klik hei um nao Beppie te luustere.
En daan is dao Tisjeboy Jay, d’n oonvolpreze vlogger en performer, dee uuch op zien gans eige meneer dudelek maak tot geer toch ech moot mètdoen aon deen Taolquiz. Es geer dat ‘ns wèlt beluustere – en ‘t is de meujte weerd – klik daan hei.
Cas Wolters is netuurlek veural bekind vaan ‘t tèllevisieprogram Heel Holland Bakt. En tot heer oet Limburg kump, dat waor ouch welk dudelek. Meh Limburgs praote hadde veer häöm nog neet hure doen. Dit is eure kans. Klik hei es geer ‘m wèlt beluustere.
En es lèste ‘t bekinde duo Kristel & Quin, vreuger vaan Weej-3. Ouch in Venlo vinde ze tot ederein mèt moot doen aon de Limburgse Taolquiz. Luuster mer ins wie ze dat al zingend dudelek make. Klik daoveur op deze link.
Nao de Limburgse Taolquiz: klik hei.