Prizzentatie lèste Platbook aofgelas!

De prizzentatie vaan Platbook 25 die mörge, zoondag 14 november zouw plaotsvinde in bookhandel Dominicanen in Mestreech, kint vaanwege de aonsjerping vaan de coronaregels jaomer genóg neet doorgoon.

De bookhandel heet in euverlègk mèt d’n oetgever TIC beslis tot ‘t neet verstendeg waor um noe ‘n bijeinkoms te organiseren boebij mie es 100 belaankstèllende verwach woorte.

Wienie esnog aondach zal weure gevraog veur de lèste oetgaof vaan Platbook zal later bekeken weure. De auteurs die in de lèste editie stoon opgenome, kriege ‘n exemplaar vaan ‘t book thoes gesjik.