Veldeke blijf thoes: ‘t coronavirus veur (klein)kinder verklaord

Noe ederein verpliech zit opgehok en mennegen arties of sjrijver vaanoet de hoeskamer via internet vaan ziech liet hure, kint Veldeke netuurlek neet achterblieve. Veur wee dat intrèssant vint of veur wee ziech gewoen stierlek verveelt, goon veer de koumenden tied get verhaole of gediechte veurleze en die kint geer daan op eure computer of tablet bekieke en beluustere.

Veur inspiratie hove veer neet wied te zeuke. Dao zien in de loup vaan jaore zoe väöl prachtege tekste gesjreve in ’t Limburgs tot ’t nog lesteg zal zien um dao-oet ’n käös te make. En zjus umtot dat ‘rs zoe väól zien, wete veer ouch bekans zeker tot geer die verhaole en gediechte veur e groet deil alweer vergete zeet. Dus daan krijg geer noe de gelegenheid um eur geheuge weer ins op te frisse.

En ‘t hove neet per se verhaole pf gediechte te zien um de verveling te verdrieve. Dao weure ouch quizvraoge en späölselkes bedach. Meh veer beginnen mèt ‘nen actuelen teks en dee geit neet touwvallig euver ‘t coronavirus. De veldeke krink Remund sjikde us ‘t verhao,l euvetr “Noor en ‘t Coronavirus”, wat zoewel in ‘t Remunds es in ‘t Nederlands kint weure (veur)geleze.

Dit verhaol is gesjreve door Monique Kerpen veur “Hoera Kindercentra”. De teikeninge zien vaan Mieke Linssen. Monique Kerpen heet ‘t verhaol ouch in ‘t Remunds vertaold. Klik op oonderstaonde teikening um de completen teks te bekieke.