Schrijverspodium: Geert van den Munckhof (Horst)

àlle wört, geschreve en gezagt
weide waerm dór de buüm di nacht…

di nacht dàt geej ôw woonderlijk en zuutjes
inaens vur aaltied dao oonder haet gelagt…

oonder straolend blauwe lôch
loëpend lang àn oow gedôch…

àn elluk stukske dàt geej maakte
àlle meense die geej raakte…

oonder buüm dao à gedôch
in stil verdreet nao wört gezôch…

ut schonste is dàt geej die wört
àl jaore ierder haet bedôch…

kleine stukskes vàn dun hemel
waere nou door oow nao Hôrs gebròch…

Vur iederiën
deen ni mier is
ma aaltied
oonder ôs…

Vur iederiën
din in iën kier
inaens ma
zoonder môs…

Vur iederiën
deen is gegaon
vur iederiën
di bleef bestaon:

Wet daat geej
mit iedere traon
Waat op oow wange schrieft:
Naat stripke zalt
‘ik halt vaan oow’
Daat is waat aaltied blieft…

En troan die zoë
na oonder sluit,
zörgt daat dur wer
waat moëis opbluit!